September 27th, 2008
RESBAK 101
HINDI PORKE'T MAHABA...BORING NA! HEHEHE.
Dahil hindi ako nagkaron ng pagkakataon na resbakan sila noon, please...kahit ngayon lang, allow me to serve my sweet revenge by putting their names here. Pero...sige na nga! Ayoko namang lumabag sa code of ethics na nakasulat sa ethics manual ng kumpanyang pinagtatrabahuhan ko kaya bibigyan ko na lang sila ng code name. WARNING: BATO-BATO SA LANGIT...ANG TAMAAN SAPUL! LINTEK LANG ANG WALANG GANTI! GETS MO? TEXT BACK! So shake, rattle and roll at magbasa ka ng mabuti... baka isa ka sa kanila. *eyes rolling*
1. J.T.- Siya ang stalker ko 2 years ago. Saksi ang ka-opisina kong si Winnie the Pooh, ang dati kong program manager, ang emperadora ng show ko ngayon at yung babaeng gwardiya sa dorm na tinutuluyan ko. Masyado silang nag-alala sa akin. Hindi kasi sila makapaniwala na sa ichura kong toh may stalker ako. Bakit maganda naman ako ah. Di nga lang kasing ganda ni Ann Curtis at Marian Rivera. Pano na kung naging kasing ganda nila ako, eh di sampung lalakeng halang ang kaluluwa dapat ang reresbakan ko. Sa pamamagitan ng aking mga bubuwit, nalaman ko na siya pala yung kaibigan kong baliw na binasted ko noong college. Ang ganda ko talaga! Ang komontra panget! Minsan ikukwento ko dito sa blog ko kung paano niya ginulo ang buhay ko noon. Ngayon palang nagsi-sink in sa isip ko ang mga nangyari. Ngayon ko pa lang nararamdaman ang trauma. Dati kasi parang wala lang. Hindi ko naman alam na may epekto pala talaga sakin yung nangyari. Ngayon ko pa lang nararamdaman ang takot na dapat noon ko pa naramdaman... Ngayon pa lang ako nagagalit sa kanya! May nakapagsabi sa akin na buhay pa rin siya at andyan lang sa tabi-tabi. Tae niya! Sa mga oras na ito gusto ko siyang ipa-ambush! Kung subukin man niya na guluhin ulet ako eto lang masasabi ko... balisong lang naman at pesticide ang meron ka eh..."TRY TO HURT ME! I HAVE A GUN!". (line courtesy of kafated).
2. YUNG MANYAK NA LALAKENG NAKASAKAY KO SA MRT. May nakasakay kasi ako minsan sa MRT na isang may ichurang lalake. Oo tama, may ichura xa. Sabi nga ng kaibigan kong baklang nasa kabilang network na ngayon, lahat naman ng tao may ichura. Kung kalsada nga may ichura, tao pa kaya? 'Yun nga lang di kanais-nais ang ichura niya. Katabi ko siya sa upuan. Akala ko siksikan lang kaya medyo napapadikit ang binti niya sa binti ko. Siksikan na nga, ang likot-likot pa niya. Parang di siya mapakali. Pero pagdating sa Ayala station, lumuwag ang upuan dahil maraming pasahero ang bumaba. Umisod ako sa kaliwa kasi naaasiwa talaga ako sa pagiging malikot niya. Nagulat ako nang pag-isod ko, umisod din siya. Eh ang luwag kaya ng pwesto dun sa tabi niya tapos sa tabi ko pa sumiksik. Maya-maya naramdaman ko na naman, dinidikit na naman niya ang binti niya sa binti ko. Nabastusan na ako. Pero grace under pressure pa rin ang drama ko. Para hindi naman ako magmukang eskandalosa, tinapakan ko ang paa niya para iparamdam sa kanya na tae niya, tigilan niya ang ginagawa niya. Tapos tiningnan ko siya ng masama. Ampotang lalake, parang nang-aasar pa. Nginitian pa ako. Bwiset!
3. SI KEMEROT. Siya 'yung "...ista" na kaibigan ng kaibigan ko rin. (Bahala na kayong mag-isip kung lasalista ba o atenista). Nagtanong si kemerot... "Saang school ka graduate?" Sumagot ako loud and proud... "Enverga University Foundation." Nairita ako sa sagot ni kemerot... Sabi ba naman... "Ay saang bundok yun?Never heard of it.". Tiningnan ko muna ang expression ng mukha niya bago ako nagreact. Seryoso siya. Hindi siya mukhang nagbibiro. At saka heller! Hindi kami close para kumuda siya ng ganun! Sensitive pa naman ako noong mga panahon na 'yun kaya na-hurt talaga ako sa tanong niya. Dinaan ko na lang sa tawa para hindi ko naman masyadong maramdaman na na-offend ako. Ayoko talaga na inaapi-api ang school ko! Kahit nasa bundok yun magagaling naman ang mga tao dun. Nabalitaan ko na hindi nakapasa si kemerot sa pre-hiring exam dito sa network. Parang gusto ko tuloy na makita siya ngayon. Hahaha.
4. SI M.A.R. Isa siya sa mga naging propesor ko noong college. Ngayon ko lang aaminin na crush ko ang propesor na ito. Moreno, matangkad, gwapo at matalino. Humahanga ako sa mga pananaw niya sa buhay at marami rin akong natutunan sa kanya. Pero bakit gusto ko siyang resbakan? Kasi naman, nilait-lait niya ng husto ang aking kaibigang si Mama Z! Tandang-tanda ko pa ang sinabi niya. Wala daw mararating si Mama Z. Bobo daw at hindi magaling. Hanggang ngayon hindi ko pa nasasabi kay Mama Z na kumuda ng ganun si gwapitong propesor. Ayoko kasi siya ma-hurt eh. Ang dami pa namang nakarinig. Ngayon si Mama Z, nagtatrabaho sa isang malaking TV Network at hindi lang basta-basta ang posisyon niya. Parang gusto ko tuloy sampalin si sir gwapo at sabihin sa kanya na..."Tae mo sir! 'Yung estudyanteng sinabihan mo ng bobo, isa siya sa mga gumawa ng hinahangaan mong palabas sa telebisyon ngayon."
5. THE POWERTRIPPERS. Naku maraming ganito sa paligid ko. Mga taong katulad ng nasa blog ni bakla kong kafated. Yung mga taong porke't may posisyon ganun-ganun na lang kung makakuda sa subordinates. Kulang na lang lagyan ka ng tali sa leeg o kaya ilagay ka sa stick para tuluyan kang maging puppet. Kung sa kanila kaya gawin yun. Gusto ko rin maramdaman nila ang pakiramdam ng napapag-tripan.
Hay... napapapakanta na lang tuloy ako. Kahit hindi ko trip ang musika ng Systems of a Down bigla ko silang naging lab ngayon. Nakakarelate kasi ako sa lyrics ng kanta nila...
Oh my sweet revenge...
Will be yours for the taking
It's in the making baby, aaaaaahhh
My sweet revenge...
Will be yours, for the taking
It's in the making baby, aaaaaahhh
Ikaw, may gusto ka bang resbakan?
